အဝေးကပဲ မျှော်နေမယ်
♡♡♡♡♡♡
သံသရာ ပြဇာတ်ဆရာရဲ့
လောကဓံ ပြကွက်အောက်မှာ
အနုအရွ သမုဒယတွေနဲ့
ဇာတ်ဆောင်ခွင့်ဟာ
ငါနဲ့မဆိုင်ဘူးတဲ့လား?
ဟန်ဆောင်မှုတွေနဲ့
သရုပ်ပြကွက်တွေအတွက်
ငါမကျွမ်းကျင်ပေမဲ့
ရိုးသားတဲ့ ငါ့အသွင်ကတော့
ထာဝရ ရိုးသားနေလျက်ပါ----
မရိုးသားမှ
သဘောကျမယ်ဆိုရင်လည်း
ဒီနေရာလေးကနေ
ရှောင်ထွက်သွားပေးပါမယ်----
ငါဝါသနာမပါတဲ့
ငါမကျွမ်းကျင်တဲ့
ဒီအတတ်ပညာနဲ့ ဝေးရာကနေပဲ
လှမ်းငေနေလိုက်ပါတော့မယ်----
အလင်းအိမ်(4:2:2017)
No comments:
Post a Comment